Их Британийн угсаа залгамжлах хунтайж  Уильям, сүйт бүсгүй Кейт Мидлтон нар 2011 онд хуримаа хийж байсан. “Зууны хурим” гэж нэрлэж байсан тэдний хуримыг үзэхээр 600-800 мянган хүн Лондонгийн төв талбайд цугларч байжээ. Тэд хуримын анхны бүжгээ Ellie Goulding “Starry-Eyed” дээр хийж байжээ.

  АНУ-ын 44 дөх ерөнхийлөгч Барак Обама сүйт бүсгүй Мишель Робинсонтойгоо Чикагогийн нэгэн Христ сүмд гэрлэхдээ Стив Вондерийн “Чи бас би” дууны аянд анхны бүжгээ бүжиглэж байсан гэдэг.

    Beyonce, Jay-Z нар 6 жил үерхсэний дараа 2008 онд хуримаа хийжээ. Хуриман дээрээ хосууд таван сая америк долларын үнэтэй 18 кратын очир алмазан бөгж солилцож байсан гэдэг. Хуриманд нь репперүүд олноор уригдсан учраас хип хопоор амьсгалсан хурим болсон байна. Хосууд хуримын анхны бүжгээ  "Crazy in Love"  дуун дээрээ хийжээ.

     Холливуудын сайхан хос гэгддэг дуучин Жастин Тимберлайк, жүжигчин Жессика Билл нар 2012 онд хуримлаж байжээ. Алдарт хосуудын хуримын анхны бүжгийн сонголт  Donny Hathaway “A Song for You” байсан байна.

     Хамгийн алдартай үлгэр жишээ гэр бүл болох Английн алдартай хөлбөмбөгчин Дэвид Беккэм, дуучин загвар өмсөгч Виктория Бекхэм нар 1999 онд сүр дуулиантайгаар хуримлаж байсан. Тэд хуримлахдаа 800 мянган америк доллар зарцуулснаас сүйт бүсгүйн хуримын даашинз 100 мянган америк доллар байжээ. Алдарт хосын анхны бүжгийн сонголт The Starlight Orchestra’s “It Had To Be You”

  Facebook-ийг үүсгэн байгуулагч Марк Цукерберг сүйт бүсгүй Приссиа Чантайгаа 9 жил үерхсэний дараа 2012 онд хуримлаж байсан. Тэд хуримын ёслолоо бүтэн долоо хоног тэмдэглэж байсан байна. Бас нэг сонирхолтой түүх гэвэл залуу хос зочдоо Приссиа Чаны төгсөлтийн баярыг тэмдэглэнэ гэж урьсан нь хуримын зочдод жинхэнэ гэнэтийн сюрприз болж чаджээ. Залуу хосууд хуримын анхны бүжгээ Green Day-ийн "Last on the Earth" дуун дээр хийж байжээ.