Хосууд 2015 онд Coachella хөгжмийн наадам дээр учирснаас хойш холбоотой байсаар сүүлийн найман сарын турш болзсоны эцэст гэрлэх шийдвэрт хүрчээ. DJ залуу хайрт бүсгүйдээ гэрлэх санал тавихын тулд Багамын арал дахь гэртээ Shanina болон түүний ээжийн хамт зул сарын баярыг тэмдэглэхээр төлөвлөсөн байна. Ингээд тэдний дүрслэн ярьснаар “болор мэт тунгалаг далайн эрэг” дээр Лоррайн Шварцын гайхамшигт бөгжнүүдээс сонголт хийлгэж гэрлэх саналаа тавьжээ. Харин энэ тухай Shanina дурсаж ярихдаа "Тэр дуртай бөгжөө сонгохыг надаас хүссэн, харамсалтай нь би зөвхөн нэгийг нь сонгож чадсан юм" гээд инээмсэглэжээ. /Та бүхэн Shanina-ийн үзэсгэлэнт инээмсэглэлийг мартаагүй биз дээ./

Хуримын өмнөх үдшийн зоог барих хэсгийн орчныг тохижуулахдаа хосууд өнгөт палитрыг сонгосон  ба хулсан эвхдэг сандал, зэгсэн дэвсгэр нь энгийн  боловч төгс сонголт байсан бөгөөд арал дээр ургадаг цэцэгсийн өнгийг дагуулан улбар шар, ягаан өнгийн цэцэгсээр ойр орчмыг чимэглэсэн байна.

Зочид оройн зоогны дараа “тики” бамбар, дэнлүү, элсэн дээрх суудлууд бүхий наран шарлагын газарт тухалсан байна.

Чухал өдрөөрөө сүйт бүсгүй гэрч бүсгүйчүүдийнхээ хамт бэлэн болжээ. Түүний хуримын гэрч бүсгүйчүүд далайн эрэг дээрх хуриманд тохируулж өвөрмөц байдлаар хувцасласан байна.

Сүйт бүсгүй зургаан өнцөгт хэлбэртэй, цагирган дагуул чимэглэл бүхий Lorraine Schwartz-ийн сүйн бөгж зүүсэн бөгөөд харин өндөр өсгийтүүдын хувьд түүний дотны найзууд хуримын бэлэг болгож эдгээр дур булаам туфлийг бэлэглэсэн байна. Shanina энэ тухай хэлэхдээ “Тэд надад олон гайхамшигтай сонголт санал болгосны эцэст хуримын даашинзад минь яг тохирох цор ганц Aquazzura –г олж авсан. Харин хуримынхаа бүжигт Jimmy Choo-г сонгосон” гэжээ.

Сүйт бүсгүйн даашинзны арын хэсгийг хар даа... Үзэсгэлэнтэй биш гэж үү. Даашинзыг урласан Ralph & Russo нар хэлэхдээ “Shanina  халуун орны наран шарлагын газар төгс зохицсон даашинзтай болохыг хүсэж байсан” гэжээ. Харин одоо энэ зургийг хараал “төгс”-өөс ч илүү бүтээл болсныг нь уншигч та бүхэн мэдэж авлаа.

Сүйт залуугийн гэрчүүд түүнийг илүү тодотгосон дэгжин хослолоор ижилсэж, DJ залуугийн дүр төрхийг улам бүр тодотгожээ.

Хосууд зочиддоо хурим болох орчинд зохицож хувцаслах энгийн  “dress code” заасан бөгөөд хамгийн бяцхан зочид ч үүнд нэгдсэн байна. Далайн эрэг дээр болсон хуримын ёслол бүхэлдээ мод, ногоон ургамал, ногоон гэрэл чимэглэл бүхий засалттай байжээ. Тэдний хуримыг "Rev Run" хэмээн алдаршсан эцэг Joseph Simmons адисласан байна.

Ёслолын дараа гэрчүүд үдэшлэгрүү явцгааж байгаа энэхүү зурагт Zimmermann-ны гоёмсог загварууд илүү тод харагдаж байгааг та бүхэн анзаарч байна уу? Харин шинэхэн гэр бүл анхны бүжгэндээ Alina Baraz-ийн “Electric” хөгжим болон Michael Jackson-ыг "Remember Time" миксийг сонгосон байна. Энэ сонголт яагаад тэдний хувьд чухал байсныг сонирохвол Shanina хэлэхдээ “Бид болзож эхэлснийхээ дараахан Австралид ажил ихтэй маш завгүй цаг хугацааг өнгөрөөж байсан. Грег надад гайхамшигтай цэцгийн баглаа бас сэтгэлийн үгтэй мэндчилгээ илгээгээд “Хоёр биендээ хамгийн чухал нь байгаа энэ цаг хугацаа, энэ мэдрэмжээ чи минь санасаар байна уу? Би чамайгаа маш их санаж байна гэж хэлсэн юм. Тэр цагаас хойш Remember Time бидний дуу болсон” гэжээ.

Тэдний үдшийн зоогонд далайн гаралтай хоол, тахиа, хясааны мах голлосон зууш тэргүүтэн байсан ба Мумм оргилуун дарс, Дон Лулио тикила уух зүйлсийнх нь сонголтонд бахтсан бол энгийнээс энгийн сүүн кремт давхар бялууг сонгосон нь тэдний хуримын өнгө төрхөд төгс зохицсон байна.

Энэ бол тэдний хуримын төгсгөлийн хэсэг буюу үдшийн зоогны дараах үдэшлэг. Бахамын багт наадмын бүжигчид, мөн сүйт залуугийн гэнэтийн бэлэг  үдшийн оргил хэсэг нь гэж хэлж болох юм. Сүйт залуу DJ RevRun, DJ Kiss, DJ Politik нарын нөхөдтэйгөө шөнөжин гайхамшигт сэтүүдээ тоглосон нь хуриманд ирсэн зочдыг доргиожээ.